• Mon. Jan 24th, 2022

‘ചരിത്രമെന്നാല്‍ ഒരു വെബ് സൈറ്റല്ല, തിരുത്തലുകള്‍ കൊണ്ട് നുഴഞ്ഞു കയറാനാവില്ല’: എംബി രാജേഷ്

ഐസിഎച്ച്ആര്‍ (ഇന്ത്യന്‍ കൗണ്‍സില്‍ ഓഫ് ഹിസ്‌റ്റോറിക്കല്‍ റിസര്‍ച്ച്) വെബ്‌സൈറ്റില്‍ സ്വാതന്ത്ര്യസമര നേതാക്കളുടെ ചിത്രങ്ങളില്‍ നിന്നും ജവഹര്‍ലാല്‍ നെഹ്‌റുവിനെ ഒഴിവാക്കി വിഡി സവര്‍ക്കറുടെ ചിത്രം ഉള്‍പ്പെടുത്തയതിനെ വിമര്‍ശിച്ച് സ്പീക്കര്‍ എംബി രാജേഷ്. വെട്ടലും ചേര്‍ക്കലുമായി പുതിയ ചരിത്രം ചമയ്ക്കലാണ്‌ ഐസിഎച്ച്ആര്‍ കുറേക്കാലമായി ചെയ്തു കൊണ്ടിരിക്കുന്നത് എന്ന് കുറ്റപ്പെടുത്തിയ സ്പീക്കര്‍ ഗാന്ധിജി എത്ര കാലം ചരിത്രത്തില്‍ അവശേഷിക്കുമെന്നേ അറിയാനുള്ളൂ എന്നും ചൂണ്ടിക്കാട്ടുന്നു. ആദ്യം മലബാര്‍ കലാപകാരികളും ഇപ്പോള്‍ നെഹ്‌റുവും സ്വാതന്ത്ര്യ സമര ചരിത്രത്തിന് പുറത്തായിരിക്കുന്നെന്നും ഫേസ്ബുക്ക് പോസ്റ്റില്‍ ആരോപിച്ചു.ഗാന്ധിജി മതേതര ഇന്ത്യയുടെ പിതാവാണ്. ഇപ്പോള്‍ നടക്കുന്നത് ‘പുതിയ ഇന്ത്യ’യുടെ ചരിത്രം കെട്ടിച്ചമയ്ക്കാനാണ്.’ പുതിയ ‘ രാജ്യം മതനിരപേക്ഷജനാധിപത്യ രാഷ്ട്രമല്ല. മതാധിഷ്ഠിത രാഷ്ടമാണ്. അതിന്റെ പിതാവ് വേറെയാണെന്നും എംബി രാജേഷ് പരിഹസിച്ചു. എന്നാല്‍ ചരിത്രമെന്നാല്‍ ഒരു വെബ് സൈറ്റല്ല. സര്‍ക്കാരാഫീസിലെ പൊടിപിടിച്ച ഫയലിലെ പട്ടികയിലുമല്ല ചരിത്രം. തിരുത്തലുകള്‍ കൊണ്ട് മാത്രം യഥാര്‍ത്ഥ ചരിത്രത്തില്‍ നുഴഞ്ഞു കയറാനാവില്ലെന്നും അ്‌ദ്ദേഹം ഓര്‍മ്മിപ്പിക്കുന്നു.

full post;
നെഹ്റുവിനോട് വിയോജിപ്പുകളുണ്ട്‌. വിമർശിക്കാനും കാരണങ്ങളുണ്ട്. എന്നാൽ സ്വാതന്ത്ര്യ സമരത്തിനും ആധുനിക ഇന്ത്യ എന്ന ആശയം രൂപപ്പെടുത്തുന്നതിലും അദ്ദേഹം നൽകിയ സംഭാവനകൾ വിലപ്പെട്ടതാണെന്നതിൽ വിയോജിപ്പില്ല. ചരിത്രത്തിൽ നിന്ന് അദ്ദേഹത്തെ തമസ്കരിക്കാൻ യാതൊരു ന്യായങ്ങളുമില്ല.ഐ സി എച്ച് ആറിൻ്റെ വെബ്സൈറ്റിൽ നിന്ന് നെഹ്റുവിനെ നീക്കിയിരിക്കുന്നു! അത്ഭുതമില്ല. വെട്ടലും ചേർക്കലുമായി പുതിയ ചരിത്രം ചമയ്ക്കലാണ്ഐ സി എച്ച് ആർ കുറേക്കാലമായി ചെയ്തു കൊണ്ടിരിക്കുന്നത്. ആദ്യം മലബാർ കലാപകാരികളും ഇപ്പോഴിതാ നെഹ്റുവും സ്വാതന്ത്ര്യ സമര ചരിത്രത്തിന് പുറത്തായിരിക്കുന്നു. ഗാന്ധിജി എത്ര കാലം അവശേഷിക്കുമെന്നേ അറിയാനുള്ളൂ. കാരണം ICHR നെ ഏൽപ്പിച്ചിരിക്കുന്നത് ‘ പുതിയ ഇന്ത്യ’യുടെ ചരിത്രം കെട്ടിച്ചമയ്ക്കാനാണ്.’ പുതിയ ‘ രാജ്യം മതനിരപേക്ഷ-ജനാധിപത്യ രാഷ്ട്രമല്ല. മതാധിഷ്ഠിത രാഷ്ടമാണ്. അതിൻ്റെ പിതാവ് വേറെയാണ്. ഗാന്ധിജി മതേതര ഇന്ത്യയുടെ പിതാവാണല്ലോ.
പക്ഷേ ചരിത്രമെന്നാൽ ഒരു വെബ് സൈറ്റല്ല. സർക്കാരാഫീസിലെ പൊടിപിടിച്ച ഫയലിലെ പട്ടികയിലുമല്ല ചരിത്രം. തിരുത്തലുകൾ കൊണ്ട് മാത്രം യഥാർത്ഥ ചരിത്രത്തിൽ നുഴഞ്ഞു കയറാനാവില്ല.