മലപ്പുറത്ത് ഫുട്‌ബോൾ മത്സരത്തിനിടെ കരിമരുന്ന് പ്രയോഗം; പടക്കം കാണികൾക്കിടയിൽ വീണ് പൊട്ടി

ലപ്പുറം : മലപ്പുറം അരീക്കോട് തെരട്ടമ്മലിൽ സെവൻസ് ഫുട്ബാൾ മത്സരത്തിനിടെ അപകടം. മത്സരത്തിന് മുൻപ് നടത്തിയ കരിമരുന്ന് പ്രയോഗത്തിനിടെയാണ് അപകടമുണ്ടായത്. കരിമരുന്ന് പ്രയോ​ഗത്തിനിടെ പടക്കങ്ങൾ മൈതാനത്തോട് ചേർന്നിരിക്കുന്ന കാണികൾക്ക് നേരെ തെറിച്ചുവീണ് പൊട്ടുകയായിരുന്നു. നിരവധി പേർക്ക് പരിക്കേറ്റു. പരിക്കേറ്റവരെ സമീപത്തെ സ്വകാര്യ ആശുപത്രികളിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല എന്നാണ് ലഭിക്കുന്ന വിവരം.